රුවන් නිදන හෙල බිමයි

නිදහස අපේ සමරණ මේ  අද දවස

ආඩම්බරයි සිරිලක පුරවැසි අපට

ජාතික ධජය ලෙලමින් හුල‍ඟේ දසත

සමරනවාලු ජයටම නිදහස් පුවත

අප ලබනා නිදහස් දින නිවාඩුව

පිට්ටනියේ පෙළපාලියෙ දිගාකර

සිටියත් කෑමොර දීගනෙ උදේසිට

වැඩ කරනා පිරිසක් ඇත නොරට ඉඳ

නිදහස ලැබුව සිරි ලංකා දීපයට

හැට අට වසරක් ගෙවුමුත් එදා සිට

පිල් බෙදිලා ගුටි ඇන ගත්තා මිසක

නිවහල් සිත් ගොඩනැගුවේ කවුරුන්ද

ජාතික ධජය ගැන ඇත ගැටලුවක් පැන

ඉතිහාසයේ වරදක් වත් සිදුවීද

ඒ වෙනුවෙන් පිරිසක් ඉදිරියට පැන

තවත් කල්ලියක් මෙහි සැදුවා වත්ද

නිදහස ලැබූ සිරිලක් මිණි මහ පොලවේ

උරුමක්කාර කම් තවමත් පටලැවිලේ

එක ධජයක් එකම රටක් ප්‍රතිරාවේ

කරුම්මක්කාර කම් නම් තව තව බිහිවේ...